Home Aktyalite Chili : 14 Ayisyen kontamine ak kowonaviris nan vil Quilicura

Chili : 14 Ayisyen kontamine ak kowonaviris nan vil Quilicura

by Kreyòl Enfo

Kreyòl Enfo, 10 avril 2020 .- katòz (14) sitwayen Ayisyen kontamine ak nouvo kowonaviris la nan komin Quilicura, rejyon metwopolitèn Santyago, Chili, daprè enfòmasyon kolaboratè Kreyòl Enfo (KE) nan rejyon an konfime.

Otorite minisipal Quilicura yo presize, sou fesbouk, tout konpatriyòt ayisyen ki  » enfekte yo deja nan yon sant espesyal gouvènman mete disponib pou moun ki kontamine yo pase peryòd karantèn nan ». Ministè lasante nan peyi Chili presize  » sant pou moun pase peryòd karantèn nan gen bon jan sekirite ak pwofesyonèl lasante pou bay malad yo laswenyay ».

Lameri nan komin Quilicura anonse y ap kontinye fè tès pou tout sitwayen ki nan komin yon manyè pou idantifye moun ki kontamine yo epi limite kantite moun ki viktim anba pandemi a.

Chili se youn nan peyi nan zòn Amerik Latin nan ki gen plis Ayisyen. Plis pase 100 000 konpatriyòt ap viv nan peyi sa.

Kreyòl Enfo

0 comment