Home Aktyalite Brezil anrejistre 881 nouvo kadav akoz kovid-19

Brezil anrejistre 881 nouvo kadav akoz kovid-19

by Kreyòl Enfo

Kreyòl Enfo, 12 me 2020 .- Otorite lasante yo nan peyi Brezil konfime, aprè midi madi 12 me a, nouvo kowonaviris la (Sars-CoV-2) touye 881 moun. Premye fwa Brezil anrejistre tout mò sa yo nan yon jounen depi kòmansman epidemi an.

Pwofesyonèl lasante nan yon lopital ki resevwa malad Kovid-19

9 258 nouvo moun kontamine tou pandan dènye 24 èd tan yo. Ofisyèlman, 177 589 moun enfekte depi epidemi an kòmanse. Brezil se 6° peyi kote nouvo kowonaviris la enfekte plis moun.

Kovid-19 gentan touye 12 400 moun nan peyi Brezil. Sao Paulo, Rio de Janeiro, Amazonas, Ceará, Bahia ak Maranhão se eta kowonaviris la fè plis dega.

Malgre tout moun sa yo viktim, prezidan ekstrèm dwat Brezil la, Jair Bolsonaro, kontinye ap mande pou gouvènè yo mete bout nan konfinman epi louvri komès.

72 593 moun rekipere tou anba maladi a, daprè otorite lasante yo ki kontinye defann konfinman ak distans sosyal.

Kreyòl Enfo

0 comment