Brezil : 10 moun pami yo 6 elèv mouri pandan yon masak nan yon lekòl fondamantal

Kreyòl Enfo, 13 mas 2019 .- 10 moun pou pi piti peri pandan yon fiziyad nan lekòl Raul Brasil nan Eta Sao Paulo, sidès peyi Brezil. Pami viktim yo gen 6 elèv ak 2 anplwaye, daprè gouvènè Sao Paulo a, João Doria. 2 jèn ki komèt zak la mete bout nan lavi yo tou.

Anviwon 20 elèv blese tou pandan masak sa ki rive bò 9: 30 maten an, nan vil Suzano. Otorite yo poko founi detay sou idantite jèn gason ki komèt zak la.

João Doria deja anonse 3 jou dèy nan Eta Sao Paulo.

Kreyòl Enfo