Home Aktyalite Brasil : kowonaviris touye 615 moun epi kontamine plis pase 10 mil nan 24 èd tan

Brasil : kowonaviris touye 615 moun epi kontamine plis pase 10 mil nan 24 èd tan

by Kreyòl Enfo

Kreyòl Enfo, 6 me 2020 .- Rèsponsab lasante yo nan peyi Brezil anonse, aprè midi mèkredi a, kowonaviris deja touye 8 536 moun. Brezil depase Bèljik epi tounen 6° peyi sou latè kote viris la fè plis viktim.

Yon twou pou antere viktim kovid-19 yo nan vil Manaus, eta Amazòn

Pandan 24 èd tan, gouvènman an konfime 615 moun pèdi lavi yo akoz kovid-19 la. Pi gwo kantite moun ki mouri pandan yon jounen depi kòmansman epidemi an. Yè, otorite yo te anrejistre 600 kadav.

Brezil, nouvo Kowonaviris la deja enfekte ofisyèlman 125 096 moun, 10 381 sèlman pandan dènye 24 èd tan yo. Ak plis pase 3 mil mò, Sao Paulo se eta kote kovid-19 fè plis dega. Daprè minis Sante a, plis pase 48 221 moun gentan geri.

Laperèz kòmanse anvayi kominote ayisyèn k ap viv nan eta ki plis touche yo tankou Sao Paulo ak Rio de Janeiro. Anviwon 100 mil Ayisyen ap viv Brezil, daprè enfòmasyon Polis Federal.

Kreyòl Enfo

0 comment