Bradley Beal ak Rudy Gobert se meyè jwè 22e semèn NBA a

Kreyòl Enfo, 19 mas 2019 .- Pou yon 22e fwa pandan sezon an, espesyalis nan lig baskètbòl ameriken an chwazi jwè ki te plis briye nan chak konferans yo pandan semèn nan.

Konferans lès

3 viktwa, yon defèt se bilan Washington Wizards soti 11 pou rive 18 mas . Wizards yo reyisi bon pèfòmans sa gras ak Bradley Beal ki fini meyè jwè konferans lès la pou semèn pase a. Pandan peryòd sa, Bradley Beal woule ak yon mwayèn 32.5 pwen, 6.3 rebon ak 7 pas nan chak match. Elye Wizards la, ranpòte tit sa pou yon 4e fwa nan karyè li.

Konferans lwès

Nan konferans lwès la, se Rudy Gobert ki fè lalwa pandan semèn pase a. Gras ak yon mwayèn 16.5 pwen, 15.5 rebon ak 2.3 pas nan chak match, Rudy Gobert pèmet Utah Jazz fè 3 viktwa sou 4 match li jwe pandan peryòd sa . Pivo fransè a, Rudy Gobert, ranpòte tit sa pou premye fwa nan karyè li.

Kreyòl Enfo