Kreyòl Enfo, 27 jen 2020.- Norvela Belamy, yon rèsponsab direksyon jeneral kès popilè nan Bank Repiblik Ayiti a (BRH, sig nan lang franse) pèdi lavi l ak tout madanm li, Daphnée Fils-Aimé, anba bal bandi, aprè midi samdi 27 jen an, nan zòn Franyovil, Dèlma 75.
Enfomansyon yon abitan Franyovil pataje ak redaksyon Kreyòl Enfo (KE) konfime se anndan lakay viktim yo menm bandi yo rantre komèt zak sa. Sepandan, sitwayen an di li pa konnen si asasen yo pran lajan oubyen lòt bagay nan kay la.
Norvela Belamy soti nan depatman Nò peyi a. Li pase plizyè ane ap travay nan Bank Repiblik Ayiti. Yon lòt kad nan peyi ki viktim anba machin ensekirite a.
Kreyòl Enfo