Home Ensekirite Bandi touye yon polisye nan komin Site Solèy

Bandi touye yon polisye nan komin Site Solèy

by Kreyòl Enfo

Kreyòl Enfo premye jen 2020.- Polisye Wismick Aristyl, 20e pwomosyon, tonbe anba bal endividi otorite yo poko idantifye aprè midi lendi premye jen an nan komin Site Solèy. Polisye a t ap travay nan komisarya Site Solèy la.

Polisye Wismick Aristyl (Foto fesbouk)

Daprè enfòmasyon ki rive jwenn redakasyon Kreyòl Enfo (KE), Wismick Aristyl te fenk sot chanje chèk li nan moman l al kontre bab pou bab ak yon ekip bandi ki t ap opere nan komin nan.

Kadav polisye viktim nan pase plizyè èd tan blayi atè a tèlman bandi yo t ap twoke kout zam nan zòn nan. Sa ki te anpeche otorite al fè konsta legal yo.

Gen anviwon uit (8) jou depi gwo eskonbrit pete nan mitan gwoup gang ki nan plizyè katye Site Solèy. Pou pi piti, dis (10) moun mouri epi plizyè lòt blese pandan batay sa.

Kreyòl Enfo

0 comment