Bandi ak zam ap twoke kòn yo nan plizyè katye kapital la

Kreyòl Enfo, 8 mas 2019 .- Kapital la konnen yon sitiyasyon tansyon, jodi vandredi a, sitou nan katye Lasalin, Dèlma 2 ak Kwabosal kote zam fè tout jounen ap chante.

Enfòmasyon yon abitan Lasalin pataje ak Kreyòl Enfo fè kwè pou pi piti 2 moun pèdi lavi yo epi plizyè kay boule. Daprè sitwayen sa, se gang ak zam k ap twoke kòn yo nan zòn nan.

Pòt pawòl Lapolis la, komisè Michel Ange Louis Jeune, konfime yon moun mouri anba katouch bandi ki t ap tire sou Channmas la, yèswa jedi a.

Palman, bank komèsyal, magazen pat fonksyone anba lavil la.

Kreyòl Enfo