Kreyòl Enfo, 25 septanm 2019 .- Yon gwoup manifestan k ap reklame demisyon prezidan Jovenel Moïse kalonnen anba kout wòch jodi mèkredi a (25), polisye ki te nan baz Inite depatmantal pou tabli lòd yo (UDMO, sig nan lang franse),nan komin Site Solèy (Lwès).
Yon sous nan Lapolis la konfime pou redaksyon Kreyòl Enfo (KE) gen plizyè vit komisarya a ki kraze pandan eskonbrit la. Pwotestatè yo repwoche ajan UDMO yo kòm polisye ki toujou ap itilize gaz lakrimojèn pou kraze manifestasyon yo.
Nan moman n ap ekri tèks la (1:15), tout bagay deja rantre nan lòd, daprè menm sous la ki fè kwè polisye yo ap kontinye fè travay yo ki se pwoteje vi ak byen popilasyon an.
Kreyòl Enfo