Home Aktyalite Ayiti-Tansyon : manisfetan sakaje biwo depite d’Haïti nan vil Senmak

Ayiti-Tansyon : manisfetan sakaje biwo depite d’Haïti nan vil Senmak

by Kreyòl Enfo

Kreyòl Enfo, 20 septanm 2019 .- Menm jan ak Pòtoprens, plizyè vil pwovens konnen gwo tansyon jodi vandredi a kote sitwayen yo t ap pwoteste kont Jovenel Moïse ak pouvwa Tèt Kale a.

Nan vil Senmak, manifestan yo sakaje biwo depite Samuel d’Haïti. Pwotestatè yo kraze òdinatè, kraze chèz epi chire anpil papye anndan biwo palmantè a.

Manifestan yo repwoche depite d’Haïti yo di k ap sipòte pouvwa Tèt Kale pou defann enterè pèsonèl li olye li defann enterè moun Senmak.

Depite Samuel d’Haïti eksplike, sou bò pa l, se kèk endividi ki atake biwo a akoz batay l ap mennen pou fòse peyizan viktim nan dosye move semans ki gate rekòt yo nan vale Latibonit la. Palmantè a kondane endividi sa yo li di ki pwofite vòlè materyèl li te gen nan lokal la pou distribiye bay elèv lekòl nan sikonskripsyon an.

Kreyòl Enfo

0 comment