Ayiti-siklòn : 5 moun pou piti deja mouri akoz tanpèt twopikal Laura

👤 Kreyòl Enfo

Kreyòl Enfo, 23 dawout 2020.- Rèsponsab Pwoteksyon sivil yo konfime pou pi piti senk (5) moun deja mouri akoz lapli ak van ki akonpaye tanpèt twopikal Laura ki kòmanse frape peyi a depi douvanjou dimanch 23 dawout 2020 an. Pami moun ki mouri yo gen yon tifi 10 lane nan komin Ansapit (Sidès).

Toujou nan depatman Sidès, dlo k ap desann bwote yon fanm nan zòn Mabyal. Sou Bisantnè (Pòtoprens), otorite yo dekouvri kadav yon jèn gason ki mouri nwaye . 2 lòt moun pèdi lavi yo tou nan zòn Pèleren ak Jirado.

Gwo raval van ak anpil lapli kontinye ap tonbe sou plizyè depatman peyi a. Rèsponsab Pwoteksyon sivil yo konseye tout moun ki rete nan zòn malè pandye yo pou deplase. Yo mande popilasyon an tou pou kontinye swiv nouvèl sou siklòn nan epi koute konsèy otorite yo.

»   Sezon siklòn : Ayiti anba menas nenpòt 6 gwo ouragan

Kreyòl Enfo

ou ka enterese