Ayiti resevwa 500 000 dòz vaksen kont nouvo kowonaviris la

👤 Kreyòl Enfo

Kreyòl Enfo, 15 jiyè 2021.- Ministè Sante Piblik ak Popilasyon konfime mèkredi 14 jiyè a yon premye pil vaksen kont nouvo kowonaviris la rive nan peyi a. Otorite presize dòz vaksen sa yo soti nan laboratwa « Moderna ».

Premye pil vaksen sa ki genyen senk san mil (500 000) dòz « Moderna », se yon kado peyi Etazini fè bay Ayiti nan kad pwogram « Covax » la, daprè MSPP. Yon etid semèn pase montre vaksen « Moderna » a gen 95% efikasite. Li ede nan prevansyon epi anpeche moun ki trape viris la devlope sentom grav yo.

Rèsponsab ministè Sante Piblik ak Popilasyon raple vaksen sa yo pral ede anpil nan batay kont epidemi kowonaviris la Ayiti. Toutfwa, otorite lasante yo konseye popilasyon an toujou rèspekte konsiy yo.

»   Kowonaviris : Espay konte 950 kadav pandan 24 èd tan; kantite viktim yo depase 10 mil

Kreyòl Enfo

ou ka enterese