Kreyòl Enfo, 31 me 2020.- Ayiti gentan franchi baryè 2 mil kontamine ak nouvo kowonaviris la. Ministè Sante Piblik ak Popilasyon anrejistre 259 nouvo ka epi 3 lòt moun mouri pandan dènye 24 èd tan yo.
Nan bilten nimewo 61 ki parèt aswè dimanch 31 me 2020 an, otorite lasante presize 2124 moun gentan kontamine nan peyi a. Epidemi an gentan touye 44 moun epi 24 lòt rive retabli anba maladi a. 2056 ka rete aktif.
59,8% moun ki enfekte yo se gason tandiske fanm yo reprezante 40,2% nan moun ki enfekte yo. Pami 2 214 moun ki enfekte yo, 57 trape maladi a nan peyi etranje, 2 067 lòt kontamine nan peyi a.
Ministè Sante Piblik ak Popilasyon kontinye mande popilasyon an rèspekte tout prensip ijyèn ak sekirite yo pou anpeche epidemi kovid-19 la gaye plis toujou nan peyi a.
Kreyòl Enfo