Ayiti lock : Martine Moise pase plizyè jou nan yon otèl Sendomeng sou non Ragelande François, daprè yon jounal dominiken

Kreyòl Enfo, 19 fevriye 2019 .- Jounal dominiken Diario Libre rapòte dimanch pase a《Premyèdam Ayiti a, François Ragelande, pase plizyè jou nan yon otèl zòn kolonyal Repiblik Dominikèn ap tann kriz politik la rezoud nan peyi l.》

Jounalis envestigatè Martinez Pozo pibliye sou kont Twitè li foto paspò yon fanm ki gen non yo anrejistre chanm otèl la pou Martine Moise ak pitit fi li. Martinez Pozo siyale mandanm prezidan Ayiti a te François Rogelande, alòske nan aktivite ofisyèl yo li parèt ak non Martine Moise. Diario Libre ajouté 《otorite yo te pran tout dispozisyon pou garanti sekirite madanm prezidan Jovenel Moise jiskaske lòt pitit ki te Ayiti yo rejwenn li.

Direktè Depatman nasyonal ankèt (DNI), amiral Pared Pérez, ki konfime enfòmasyon an pou jounal Listín Diario eksplike 《 lafanmi Moise rantre nan peyi a (Sendomeng ) paske Ayiti te gen gwo latwoublay Ayiti 》

Martine Moise te retounen Pòtoprens nan finisman semèn pase a aprè vwayay li Repiblik Dominikèn, toujou daprè enfòmasyon amiral Pared Perez, pataje ak Listín Diario.

Sepandan, nan moman an twa pitit prezidan Jovenel Moise yo nan peyi Kanada.

Kreyòl Enfo