Kreyòl Enfo, 23 septanm 2019 .- Plizyè milye moun pran lari nan komin Petyonvil, jodi lendi a (23), pou egzije demisyon Jovenel Moïse nan tèt Leta a.
Pwotestatè yo ki anonse yon « operasyon moun fou » ap tire wòch, boule kawoutchou epi mete barikad nan tout lari a, daprè sa kolaboratè Kreyòl Enfo (KE) konstate.
Byen deside, manifestan yo anonse yo pral lakay prezidan Jovenel Moïse nan katye Pèleren. Lapolis nan Komisarya Petyonvil lanse anpil gaz lakrimojèn epi tire bal kawoutchou pou gaye foul la.
Manifestan yo boule pou pi piti 2 machin nan zòn ri Lama. Nan moman n p ekri tèks la (1:45) sitiyasyon an mangonmen nan Petyonvil.
Kreyòl Enfo