Home Aktyalite Ayiti-latwoublay : 2 jèn gason tonbe anba bal jodi mèkredi a

Ayiti-latwoublay : 2 jèn gason tonbe anba bal jodi mèkredi a

by Kreyòl Enfo

Kreyòl Enfo, 30 oktòb 2019 .- Moun kontinye ap mouri pandan sitiyasyon latwoublay ki blayi sou peyi a. Jodi mèkredi a, pou pi piti 2 jèn gason pèdi lavi yo anba bal nan kapital la.

Nan ri « Faustin 1er » , Dèlma 75, yon jèn gason tonbe anba bal bandi. Enfòmasyon ki rive jwenn redaksyon Kreyòl Enfo (KE) konfime se twa (3) endividi sou moto ki rale zam epi mete bout nan lavi jèn gason sa.

Jimmy Forest, se yon lòt sitwayen ki mouri aprè midi 30 oktòb la nan zòn Dèlma 24. Viktim nan ki genyen 37 lane ta resevwa plizyè bal bò kou pandan li nan lakou lakay li.

Malgre manm Konsèy Siperyè Polis Nasyonal la (KSPN) te pwomèt y ap garanti sekirite popilasyon an pou pèmèt yo reprann aktivite, sitiyasyon an te toujou rete malouk nan kapital la. Pwotestatè k ap mande Jovenel Moise kite pouvwa a te drese barikad nan tout lari a.

Katouch t ap tire nan anpil katye tou pandan tout jounen an.

Kreyòl Enfo

0 comment