Home Sante Ayiti-kowonaviris : yon pwofesè nan izòlman, inivèsite Limonad la sispann tout aktivite

Ayiti-kowonaviris : yon pwofesè nan izòlman, inivèsite Limonad la sispann tout aktivite

by Kreyòl Enfo

Kreyòl Enfo, 17 mas 2020 .- Rèsponsab sante piblik yo mete nan izòlman, aswè madi a (17), yon pwofesè nan inivèsite Limonad la yo sispèk ki ta enfekte ak kowonaviris. Premye egzamen gentan fèt pou pwofesè sa ki nan izòlman anndan Vilaj Karakòl la, nan depatman Nòdès.

Yon manm nan administrasyon inivèsite a ki konfime nouvèl la pou Kreyòl Enfo (KE) presize pwofèsè a te retounen sot nan yon wayaj Etazini semèn pase a. Rezilta egzamen yo ta dwe disponib nan anviwon 2 jou.

Fas ak ka sispèk sa, Konsèy k ap jere inivèsite Limonad la ta sispann tout aktivite akademik jouk rive 22 mas, daprè yon manm nan administrasyon an. Ofisyèlman, Ayiti poko gen moun ki enfekte ak covid-19 la ki deja touye anviwon 6 mil moun nan mond la.

Kreyòl Enfo

0 comment