Kreyòl Enfo, 18 me 2020 .- Nouvo kowonaviris la (Sars-CoV-2) deja kontamine 533 moun nan peyi, 77 pandan dènye 24 èd tan yo, daprè dènye bilan Ministè Sante Piblik ak Popilasyon (MSPP) pataje aswè lendi 18 me 2020 an.
Nan yon avi ki pote nimewo 48, MSPP anonse tou yon lòt moun pèdi lavi l akoz maladi a. Epidemi kovid-19 la gentan touye 21 moun nan peyi a, 21 lòt rive retabli anba maladi a.
Otorite lasante yo kontinye mande popilasyon an respekte tout prensip ijyèn ak sekirite yo tankou lave men tanzantan, touse nan koud, mete mask epi bay tout moun 3 pa distans la.
Kreyòl Enfo