Home Aktyalite Ayiti-Kowonaviris : 281 moun kontamine nan yon jounen, 3 mouri

Ayiti-Kowonaviris : 281 moun kontamine nan yon jounen, 3 mouri

by Kreyòl Enfo

Kreyòl Enfo, 2 jen 2020.- Ayiti anrejistre 281 nouvo kontamine sèlman pandan dènye 24 èd tan yo, daprè bilan Ministè Sante Piblik ak Popilasyon (MSPP) pibliye aswè madi a. Se premye fwa kowonaviris la kontamine tout moun sa yo ofisyèlman nan yon jounen.

2 507 moun deja enfekte ofisyèlman depi epidemi an parèt nan peyi a. Sèlman nan depatman Lwès la, 1 994 moun kontamine ak nouvo kowonaviris la. Ak 22 ka, Nip se depatman kote viris la enfekte mwens moun.

Avi nimewo 63 Ministè Sante Piblik ak Popilasyon an konfime 3 moun pèdi lavi yo tou pandan dènye 24 èd tan yo. Sa ki lakoz kantite moun ki mouri yo ogmante rive 48.

Otorite lasante yo kontinye mande popilasyon an rèspekte tout prensip ijyèn ak sekirite yo pou yo trape maladi a.

Kreyòl Enfo

0 comment