Prezidan Repiblik la, Jovenel Moise rankontre nan palè nasyonal, mekredi 5 septanm lan, konseye Lakou Dèkont yo sou divès kalte sijè enstitisyon an ap travay pami yo dosye PetwoKaribe a ki pa sispann gonfle machwè plizyè milye moun nan popilasyon an ak nan dyaspora a.
Chèf Leta a, sou kont twitè li, anonse gen 10 milyon goud ki deja disponib nan 27 milyon konseye Lakou Dèkont yo di yo bezwen pou fè limyè sou fason lajan pwogram sa te depanse.
Prezidan Jovenel Moise di rankont sa se yon fason pou l montre volonte li genyen pou bon jan limyè fèt sou doyse PetwoKaribe a.
Kreyòl Enfo