Ayiti – Japon : Yon akò 3.6 milyon dola vèt pou achte diri

Kreyòl Enfo, 12 mas 2019 .- Minis afè etranjè Ayiti a, Bocchit Edmond, ansanm ak Anbasadè Japon nan Pòtoprens siyen yon akò don 3.6 milyon dola ameriken nan kad pwojè Asistans Alimantè 2018 la (KR 2018).

Lajan sa pral sèvi pou Biwo Monetizasyon Pwogram Èd ak Devlopman (BMPAD) achte pou revann sou mache lokal la. Minis Bocchit eksplike lajan Leta ayisyen ap rantre aprè li fin vann diri sa pral depanse nan konstriksyon wout, lekòl ak pwojè sosyal.

Gouvènman japonè a di l ap apiye ranfòsman sekirite alimantè nan peyi a pandan l ap akonpaye Leta ayisyen tou nan demach pou ogmante pwodiksyon agrikòl la nan fòme teknisyen ak distribisyon angrè.

Kreyòl Enfo