Ayiti – Edikasyon : Lendi 3 septanm, dat ofisyèl pou lekòl louvri

Ane akademik 2018-2019 la ap tanmen ofisyèlman lendi 3 septanm 2018 la nan tout peyi a. Ministè Levasyon nasyonal di yo pran bon jan dispozisyon pou pèmèt elèv yo reprann chimen lekòl.

Minis Edikasyon Nasyonal la, Pierre Josué Agénor Cadet di Leta ayisyen debloke plis pase 78O milyon goud pou pèmèt paran yo jwenn liv pou yon ti kal kob. Pwofesè a ajoute ministè l ap dirije a te gentan mete kanpe yon pwogram pou akonpaye fanmi ki gen plis difikilte ekonomik yo nan achte valiz, liv, kaye elatriye.

Ministè ekonomi ak finans anonse anplwaye ak kontraktyèl y ap komanse resevwa kob sibvansyon prezidan Repiblik lan te pwomèt yo a pou rantre lekòl la 3 ak 4 septanm k ap vini la.

Lapolis Nasyonal anonse plizyè inite ap mobilize depi byen bonè pou garanti sekirite elèv yo.

Kreyòl Enfo

Laisser un commentaire

Votre adresse de messagerie ne sera pas publiée.