Kreyòl Enfo, 7 me 2020 .- Epidemi kovid-19 la deja enfekte 129 moun Ayiti, 21 sèlman pandan dènye 24 èd tan yo, daprè enfòmasyon Ministè Sante Piblik ak Popilasyon (MSPP) pataje aswè jedi 7 me a.
Premye fwa tout kantite moun sa yo kontamine pandan yon jounen nan peyi a. Lwès se depatman kote nouvo kowonaviris la (Sars-CoV-2) enfekte plis moun.
Rive jodi a, otorite lasante yo presize Ayiti gen 12 moun ki mouri tou akoz kovid-19 la. 16 lòt sitwayen ki te trape viris la gentan rekipere pami yo youn nan dènye 24 èd tan yo.
Ministè Sante Piblik ak Popilasyon kontinye mande popilasyon an respekte tout prensip ijyèn ak sekirite yo pami yo lave men tanzantan, mete mask epi rete lakay.
Kreyòl Enfo