Kreyòl Enfo, premye oktòb 2019 .- Mèt Inel Torchon ki te ranplase Paul Eronce Villard kòm komisè gouvèman Pòtoprens 26 septanm pase a deja jwenn revokasyon l, jodi madi a, daprè enfòmasyon yon konseye prezidan Jovenel Moise konfime pou redaksyon Kreyòl Enfo.
Toutfwa, konseye prezidan an ki di » wi li (Inel Torchon) revoke » pa bay okenn detay sou rezon ki pouse pouvwa a revoke Mèt Torchon san li poko te menm enstale nan pòs la.
Minis jistis ak sekirite piblik la, Jean Roudy Aly, deja nome Mèt Jacques Lafontant kòm nouvo komisè gouvèman Pòtoprens.
Kreyòl Enfo