Pòtoprens, 5 janvye 2019.- Atis Yama Laurent ki te chanpyon nan konkou chante « The voice » ane pase nan vil Kebèk kapab oblije kite peyi Kanada.
Daprè enfòmasyon TVA rapòte, sèvis imigrasyon nan peyi Kanada pa aksèpte demann azil Yama Laurent te fè pou pèmèt li rete viv nan peyi a.
Jèn ayisyèn nan t ap etidye medsin Repiblik Dominikèn avan li te rantre Kanada aprè gwo tranbleman tè 2010 la. Ak talan li, atis la te ranpòte konkou « The voice » pandan sezon lete ane 2017 la.
Depi plizyè semèn, gouvènman Kanadyen an kòmanse voye tounen tout ayisyen ki pa ranpli kondisyon sèvis imigrasyon yo egzije pou jwenn papye legal ki pèmèt yon sitwayen etranje rete viv Kanada.
Kreyòl Enfo