Atak kont Eric Jean Baptiste : 17 moun arete, plizyè zam sezi

Pòtoprens, 22 desanm 2018.- Lapolis arete 17 moun epi sezi plizyè zam ak katouch, ayè vandredi a (21), pandan yon operasyon nan zòn Savann Pistach, Kafoufèy.

Youn nan pòt vwa lapolis yo, Gary Desrosiers ki konfime enfòmasyon an eksplike operasyon sa te reyalize nan kad ankèt k ap mennen sou atak ak zam bandi te fè sou Sekretè jeneral pati politik Rasanbleman demokrat pwogresis yo (RDNP), Eric Jean Baptiste, premye oktòb pase a.

Pwopriyetè Pè letènèl loto a ki te resevwa yon katouch nan ponyèt nan lantouray lopital Sanatoriyòm, nan Kafoufèy, pandan li t ap mennen pitit li yo lekòl.

Kreyòl Enfo