Kreyòl Enfo, 12 septanm 2020.- Senk (5) ajan Inite depatmantal pou mete lòd (UDMO, sig nan lang franse) komisè gouvènman Pòtoprens la, Mèt Ducarmel Gabriel, te fèmen penitansye nasyonal yè vandredi a transfere nan enspeksyon jeneral polis Ayiti (IGPNH, sig nan lang franse).
Yon sous nan lapolis la ki konfime enfòmasyon an pou redaksyon Kreyòl Enfo (KE) presize, nan dokiman pou transfere polisye yo, lajistis mande rèsponsab IGPNH yo mete tout 5 ajan UDMO ki konsène yo nan izòlman.
Desizyon komisè Gabriel te pran pou mete polisye yo nan prizon an pwovoke anpil deblozay nan zòn metwopolitèn Pòtoprens la. Pou pi piti sèt (7) machin boule, daprè sa kolaboratè Kreyòl Enfo yo konstate.
Pi bonè maten an, sou radyo Karayib FM, Premye minis Joseph Jouthe te konseye chèf pakè a libere polisye yo li di ki pa gen anyen pou wè nan lanmò batonye Monferrier Dorval.
Kreyòl Enfo