Asasina Mèt Monferrier Dorval : Martine Moise, Guichard Doré ak plizyè lòt sitwayen pral reponn kesyon lajistis

👤 Kreyòl Enfo

Martine Moise

Kreyòl Enfo, 25 me 2021.- Ankèt sou asasina ansyen batonye avoka Pòtoprens yo, Mèt Monferrier Dorval, ap vanse nan kabinè enstriksyon. Anviwon uit (8) sitwayen pami yo madanm prezidan Repiblik la, Martine Moise, konseye chèf Leta a, Guichard Doré ak ansyen premye minis, Joseph Jouthe, deja resevwa envitasyon pou vin reponn kesyon jij enstriksyon Rénord Régis.

Kabinè enstriksyon envite tou sekretè jeneral konsèy lòd avoka Pòtoprens yo, Mèt Robinson Pierre-Louis, avoka Guerby Blaise ak Reynold Georges ansanm ak ansyen sekretè Leta pou sekirite piblik, Aramick Louis. Sitwayen sa yo ap genyen pou reponn kesyon jij la soti premye pou rive 27 jen k ap vini la a.

»   Martine Moise retounen nan peyi a aprè yon semèn sou kabann lopital Etazini

Bandi ak zam te asasine Mèt Monferrier Dorval lakay li, 28 dawout 2020, nan zòn Pèleren 5, katye kote prezidan Jovenel Moise abite. Plizyè endividi deja jwenn arèstasyon yo nan kad ankèt sa.

Kreyòl Enfo

ou ka enterese