Asasina Jovenel Moise : Pakè Pòtoprens mande lapolis mete Dimitri Herard ak Civil Jean Aguel disponib pou lajistis

👤 Kreyòl Enfo

Kreyòl Enfo, 8 jiyè 2021.– Pakè Pòtoprens mande lapolis, jodi jedi a, pou mete Dimitri Herard ak Civil Jean Aguel disponib pou lajistis. De (2) ajan sa yo te rèsponsab sekirite Prezidan Jovenel Moise endividi asasine.

Komisè gouvènman pou yon ti bout tan Pòtoprens la, Mèt Bedford Claude, fè demand sa atravè 2 lèt li ekri chèf enspeksyon jeneral polis la, Frantz Jean François.

Komisè Divizyonè epi kòdonatè jeneral sekirite prezidansyèl la, Civil Jean Aguel, ta dwe reponn kesyon lajistis madi 13 jiye 2021. Tandiske, komisè polis, Dimitri Herard, ki rèsponsab sekirite jeneral palè nasyonal ta dwe prezante nan pakè mèkredi 14 jiyè depi 10 zè nan maten pou reponn kesyon nan kad ankèt sou asasina prezidan Jovenel Moise nan lanwit 6 pou louvri 7 jiyè 2021 an.

»   Kidnaping : nan kad yon "echanj ak Leta ayisyen", 400 Mawozo libere 3 nan otaj relijye yo

Kreyòl Enfo 

ou ka enterese