Asasina Jovenel Moise : lapolis mete lapat sou 3 nouvo sispèk epi sezi yon dividal zam

👤 Kreyòl Enfo

Ansyen prezidan Jovenel Moise

Kreyòl Enfo, 20 jiyè 2021.- Otorite ayiayen yo anonse, madi 20 jiyè a, arèstasyon twa (3) endividi nan kad ankèt k ap mennen sou asasina Prezidan Jovenel Moise lakay li douvanjou 7 jiyè pase a. Pami nouvo sispèk lapolis mete anba kòd yo gen 2 polisye.

Pou kounye a gen 7 polisye ki nan izòlman nan kad asasina Prezidan Jovenel Moïse la. Ajan sa yo se Dimitry Herard, Boni Grégoire, Clifton Hyppolite, Jean Charles Elie, Conrad Bastien, Fontus Renord ak Jeanty Hubert.

Direktè jeneral pou yon ti bout tan Polis Nasyonal Ayiti a, Léon Charles, presize 2 polisye ki jwenn arèstasyon yo se Bony Grégoire ak Cliffton Hyppolite. Fòs lòd yo arete tou Dominique Covain ki ta patisipe nan reyinyon pou planifye asasina ansyen prezidan an.

»   Bandi touye yon rèsponsab BRH ak tout madanm li anndan lakay yo Dèlma 75

Léon Charles di otorite yo fouye 7 kay nan dènye jou sa yo. Direktè jeneral la fè konnen lapolis rive sezi yon dividal zam, katouch, grenad ak jilè pou bare bal.

Kreyòl Enfo

ou ka enterese