Asasina Jovenel Moise : ansyen kòdonatè jeneral sekirite prezidansyèl la anba men lapolis

👤 Kreyòl Enfo

Kreyòl Enfo, 26 jiyè 2021.- Ansyen kòdonatè jeneral sekirite prezidansyèl la, Jean Laguel Civil, jwenn arèstasyon li jodi lendi 26 jiyè a nan kad ankèt k ap mennen sou asasina Prezidan Jovenel Moise la. Avoka komisè divizyonè a, Mèt Rénold Georges, konfime akize a ap pase nwit la nan Enspeksyon jeneral polis la.

Komisè gouvènman Pòtoprens la te mete manda pou arete komisè Jean Laguel Civil, enspektè prensipal Paul Eddy Amazan ki rèsponsab CAT Team ansanm ak Léandre Pierre Osman ki nan tèt USP.

Mèt Bedford Claude pase lapolis lòd tou pou arete jij Wendelle Coq Thélot toujou nan kad dosye asasina ansyen prezidan an. Lapolis, sou bò pa l, deja mete avi pou chèche jij Lakou kasasyon an pou asasina, tantativ asasina ak vòlè ak zam nan men.

»   Premye minis Joseph Jouthe demisyone, Claude Joseph pran tèt gouvènman an pou yon ti bout tan

Kreyòl Enfo

ou ka enterese