Home Aktyalite Arnel Belizaire, Kilik ak plizyè lòt militan politik fèmen nan penitansye nasyonal

Arnel Belizaire, Kilik ak plizyè lòt militan politik fèmen nan penitansye nasyonal

by Kreyòl Enfo

Kreyol Enfo, 9 desanm 2019 .- Ansyen depite sikonskripsyon Delma/Taba a, Arnel Belizaire transfere nan prizon penitansye nasyonal, lendi 9 desanm nan, aprè li te fin reponn kesyon sibtiti komisè gouvènman, Mèt Gentil Souvenir, nan Pakè Pòtoprens.

Plizyè lòt sitwayen pami yo militan politik tout moun konnen sou non « Kilik » ki te jwenn arèstasyon yo ansanm ak Arnel Belizaire transfere tou nan pi gwo prizon kapital la.

Toutfwa, sibtiti komisè gouvèman an pran desizyon pou libere gran frè ansyen palmantè a, Clermont Belizaire, 52 lane, ansanm ak Joanis Robenson Harry, 39 lane, akoz pa genyen gwo chaj ki sou do yo.

Lapolis nan vil Jakmèl (Sidès)te arete ansyen depite Arnel Belizaire nan lanwit vandredi 29 pou louvri samdi 30 novanm 2019 la aprè komisè gouvèman Pòtoprens la, Mèt Serard Gasius, te fin mete yon manda kont li pou konplo kont sekirite Leta.

Kreyòl Enfo

0 comment