Home Aktyalite Aprè ensidan mwa desanm yo, yon nouvo komisè pran tèt Lapolis nan komin Lenbe

Aprè ensidan mwa desanm yo, yon nouvo komisè pran tèt Lapolis nan komin Lenbe

by Kreyòl Enfo

Okap, madi 8 janvye 2019.- Gadner Jean-Pierre se non nouvo chèf komisarya komin Lenbe a, depatman Nò. Komisè Jean-Pierre ranplase Pierre Wisner Gaspard depi nan finisman ane 2018 la, daprè sa pòt pawòl lapolis nan depatman Nò a, Annassé Dorival, konfime pou Kreyòl Enfo.

Enspektè divizyonè Dorival presize chanjman sa pa gen anyen pou wè ak ensidan ki te pase nan komin nan pandan peryòd fèt nwèl la kote 5 moun te pèdi lavi yo epi plis pase 10 kay te boule.

Pòt vwa Lapolis nan depatman Nò fè kwè Komisè Gadner Jean-Pierre ki pran tèt Lapolis la nan Lenbe se yo yon estrateji pou kontinye sèvi ak pwoteje popilasyon an.

Kòmandan Annassé Dorival di li gen konfyans nouvo Komisè Lenbe gen kapasite pou ranpli misyon li.

Kreyòl Enfo

0 comment