Ansyen prezidan Pewou, Alan Garcia, touye tèt li avan yo arete l pou kòripsyon

Kreyòl Enfo, 17 avril 2019 .- Ansyen prezidan peyi Pewou a Alan Garcia touye tèt li, jodi mèkredi a (17), nan vil Lima avan lapolis arete l nan kad dosye kòripsyon Odebrecht k ap boulvèse amerik latin nan.

Alan Garcia, 69 lane, tire yon bal nan tèt li bò 6:30 zè maten an nan moman lapolis te fenk rive pou arete l. Ansyen prezidan an ki te fè kwè li pral kontakte avoka li rantre nan yon chanm, fèmen pòt epi tire tèt li, daprè sa yon rèsponsab nan lapolis eksplike.

Martin Vizcarra k ap dirije Pewou nan moman an ekri sou Twitè  » mwen konstène pou lanmò ansyen prezidan Alan Garcia. Mwen voye kondoleyans pou fanmi ak pwòch li « .

Alan Garcia te dirije Pewou soti 1985 pou rive 1990 epi 2006 pou rive lane 2011.

Kreyòl Enfo