Récents :

Kreyòl Enfo

Se sous la

Entènasyonal 

Ansyen prezidan ameriken Georges H.W. Bush mouri

Kreyòl Enfo , ,

Pòtoprens, samdi premye desanm 2018.- 41e prezidan ameriken an, Georges W.H Bush, ki te gen 94 lane mouri nan lanwit vandredi 30 novanm nan, daprè enfòmasyon pitit li Georges W. Bush konfime sou twitè.

Ansyen prezidan Bush ki te dirije Etazini soti lane 1989 pou rive 1993 t ap soufri ak yon enfeksyon nan san.

Sou kont twitè li Georges W. Bush ekri  » Jeb, Neil, Marvin, Doro ak mwen menm, ap anonse ak anpil lapèn papa nou mouri aprè 94 lane ».

Plizyè ansyen prezidan deja salye memwa ansyen chèf Leta ameriken an . Prezidan Barack Obama di lanmò Georges W.H. Bush se yon gwo kou pou Lamerik. Etazini pèdi yon patriyòt, daprè Barack Obama

Prezidan fransè a Emmanuel Macron voye tout kondoleyans li pou nasyon ameriken an.