Home Aktyalite Ansyen komisè Jean Coles Rameau ak 2 lòt sitwayen tonbe anba bal bandi Pòtoprens

Ansyen komisè Jean Coles Rameau ak 2 lòt sitwayen tonbe anba bal bandi Pòtoprens

by Kreyòl Enfo

Kreyòl Enfo, 8 janvye 2022.- Endividi ak zam otorite yo poko idantifye touye, maten samdi 8 janvye 2022 a, ansyen komisè nan Polis Nasyonal Ayiti a, Jean Coles Rameau ak 2 lòt sitwayen nan zòn Pon Diran, tou pre mache Salomon.

Daprè premye enfòmasyon yo, De (2) lòt sitwayen ki mouri yo se yon ajan sekirite ki rele Enelson Monevil ak yon machanm. Komisè Rameau ak ajan sekirite a te nan machin yo nan moman bandi yo te debake epi simen katouch sou yo.

Machin ensekirite a kontinye ap fè san koule nan zòn metwopolitèn Pòtoprens la.  Pandan 8 premye jou nan ane 2022 a, plis pase 20 moun gentan pèdi lavi yo anba bal nan kapital la.

Kreyòl Enfo

0 comment