Home Aktyalite Anplwaye DDO tanmen yon grèv grangou pou fòse Leta peye yo 24 mwa

Anplwaye DDO tanmen yon grèv grangou pou fòse Leta peye yo 24 mwa

by Kreyòl Enfo

Kreyòl Enfo, 10 jiyè 2019.- Plizyè anplwaye k ap travay nan Delegasyon depatmantal lwès la (DDO, sig nan lang franse) tanmen yon grèv grangou depi lendi pase a (8 jiyè) pou fòse Leta ayisyen peye yo lajan 24 mwa depi y ap travay san touche.

Seguy Pierre, Reneld Adonis ak Wideler Frédéric se twa (3) pami anplwaye ki kouche nan lokal enstitisyon an san manje…

Nan mikwo Kreyòl Enfo, youn nan sitwayen k ap fè grèv yo deklare « se yon sakrifis nou vle fè. si nou mouri, nou espere gen lòt kòlèg k ap rapouswiv grèv la ». Dlo nan je, Séguy Pierre kontinye pou di « nou pa gen lajan pou peye lekòl pitit nou. Nou pa menm ka mache nan katye bò lakay nou tèlman nou dwe ».

Depi 2 jiyè pase a, anplwaye delegasyon depatmantal lwès la ap manifeste pou egzije lajan 24 mwa yo di Leta dwe yo. Otorite yo ki poko janm reyaji ofisyèlman sou dosye a pito fèmen pòt enstitisyon an.

Kreyòl Enfo

0 comment