Anel, chèf gang Vilaj Dedye, nan tèt yon manifèstasyon k ap vanse sou Palè nasyonal

Pòtoprens, 13 fevriye 2019 .- Plizyè branch manifestasyon ki soti Site Solèy, Kafou, Kwadèboukè ak lòt ankò ap pran direksyon Channmas, zòn palè nasyonal, nan mitan jounen jedi a.

Nan branch manifestasyon ki soti Kafou a, kolaboratè Kreyòl Enfo konstate prezans chèf gang Vilaj Dedye a, Anel, zam nan men ak tout « sòlda » li yo.

 » Nan palè nou prale » , daprè sa yon jèn gason ki pote yon gwo zam fann fwa anonse. Pwotestè yo ki sanble detèmine ap chante  » si yo tire sou nou, n ap ripòste ».

Ayiti ap viv 7e jounen latwoublay li kote popilasyon ap manifeste kont lamizè epi egzije demisyon Jovenel Moise nan tèt peyi a.

Kreyòl Enfo