Home Aktyalite Aksidan : 193 moun viktim soti 8 pou rive 14 jiyè

Aksidan : 193 moun viktim soti 8 pou rive 14 jiyè

by Kreyòl Enfo

Kreyòl Enfo, 16 jiyè 2019.- 26 moun mouri, 167 lòt blese pandan divès aksidan ki anrejistre nan peyi a soti 8 pou rive 14 jiyè 2019.

Stop Accident, yon òganizasyon kap travay pou fè prevansyon sou wout yo, presize gen 13 fanm pami moun ki mouri yo. Òganizasyon an siyale tou pi fò nan viktim yo se moun ki t ap mache bò wout.

41 aksidan òganizasyon an konte pandan peryòd sa fèt nan zòn Mibalè, Ponsonde, Okap, Mowon, Grangwav, Leyogàn, Dèlma 31, Jakè Toto elatriye.

Semèn 8 pou rive 14 jiyè a se peryòd ki gen plis moun viktim nan aksidan daprè sa òganizasyon « Stop accident » fè konnen.

Kreyòl Enfo

0 comment