Home Aktyalite Gwo mouvman pwotestasyon kont ensekirite, lamizè ak pwoblèm gaz ki pa genyen nan ponp yo

Gwo mouvman pwotestasyon kont ensekirite, lamizè ak pwoblèm gaz ki pa genyen nan ponp yo

by Kreyòl Enfo

Kreyòl Enfo, 21 oktòb 2021.- Gwo mouvman pwotestasyon nan komin Dèlma, Petyonvil, Pòtoprens ak Taba, jodi jedi a, pou denonse pwoblèm gaz ki pa genyen nan ponp yo ak pri yo k ap ogmante sou mache a. Se chofè taksi motosiklèt yo ki nan tèt mouvman sa ki gen anpil moun.

Pwotèstatè yo mete barikad epi boule kawoutchou pou bloke lari a nan plizyè zòn. Yo tire anpil wòch tou sou machin k ap fè tantativ pou travèse barikad yo.

Sitwayen yo mande Premye minis Ariel Henry pran rèsponsabilite l pou pote yon solisyon ak pwoblèm gaz la ki deja genyen plizyè semèn. Yo pwofite souliye pwoblèm lamizè, grangou ak ensekirite k ap fini ak peyi a.

Asosyasyon chofè k ap transpòte gaz yo kanpe travay jodi jedi a pou pwoteste kont ensekirite. Bandi k ap fè lalwa nan zòn metwopolitèn Pòtoprens la sezi plizyè kamyon plen gaz epi kidnape plizyè nan chofè yo.

Kreyòl Enfo

0 comment