Anvwaye espesyal ameriken Daniel Foote mete bout nan premye vwayaj li Ayiti aprè asasina Jovenel Moise

👤 Kreyòl Enfo

Kreyòl Enfo, 27 jiyè 2021.- Diplomat Daniel L. Foote Etazini voye Ayiti espesyalman aprè asasina ansyen prezidan Jovenel Moise mete bout, ayè lendi 26 jiyè a, nan premye vizit li t ap reyalize nan peyi a. Anvwaye espesyal la te nan delegasyon amerikèn ki asiste fineray Jovenel Moise la nan vil Okap 23 jiyè pase a.

Pandan pasaj li nan peyi a, Daniel Foote rankontre ak divès pèsonalite nan peyi a pami yo Premye minis Ariel Henry, Prezidan ti moso palman an, Joseph Lambert, minis Afè etranjè a, Doktè Claude Joseph, minis Jistis la, Rockefeller Vincent, Direktè Jeneral Polis Nasyonal Ayiti a, Léon Charles, Reprezantan sosyete sivil la elatriye.

»   Yon dènye ochan pou Marie Antoinette Duclaire (Netty) bandi te asasine nan lanwit 29 jen pase a

Mesye Foote anonse li pral diskite sou vizit sa ak manm kongrè Ameriken an ansanm ak Ayisyen k ap viv Etazini yo sou posibilite pou bay Ayiti bourad sitou nan zafè sekirite ak òganizasyon eleksyon.

Kreyòl Enfo

ou ka enterese