Lapolis arete Doktè Christian Emmanuel Sanon kòm sispèk nan dosye asasina Prezidan Jovenel Moise la

👤 Kreyòl Enfo

Doktè Christian Emmanuel Sanon

Kreyòl Enfo, 12 jiyè 2021.- Otorite ayisyen yo konfime arèstasyon Doktè Christian Emmanuel Sanon, pandan wikenn nan, nan kad ankèt k ap mennen sou asasina Prezidan Jovenel Moise. Direktè jeneral lapolis pou yon ti bout tan an, Léon Charles, fè kwè Christian Emmanuel Sanon ta youn nan lotè entèlektyèl ki planifye krim nan.

Léon Charles eksplike Pastè Christian Emmanuel Sanon « se yon endividi ki te rantre Ayiti nan yon avyon prive, li te gen yon pakèt objektif politik ». Chèf lapolis la deklare  » lè lapolis te fin bloke prezime asasen Jovenel Moïse yo aprè krim nan, Christian Emmanuel Sanon se te premye moun youn nan asayan kolonbyen yo te rele ».

»   7 "mèsenè" etranje yo kite peyi a san Prezidan ak Premye minis la pa konnen

Lapolis di li jwenn nan kay sispèk la yon kepi ki ekri DEA, sis etui pou fizi ak revòlvè, kat plak imatrikilasyon Repiblik Dominikèn ak 2 machin »

Christian Emmanuel Sanon,63 lane, se yon pastè epi doktè ayisyen ki t ap viv nan peyi Etazini. Li fèt nan komin Marigo, depatman Sidès.

Kreyòl Enfo

ou ka enterese