Kowonaviris touye Pè David César, direktè lekòl mizik Sentrinite a

👤 Kreyòl Enfo

 

Kreyòl Enfo, 11 jen 202.- Kèk jou aprè Monseyè Ducange Sylvain te fin pèdi lavi l anba kowonaviris, epidemi an touye pè nan legliz Episkopal David César aswè jedi 10 jen 2021 an. Yon rèsponsab nan legliz la ki konfime enfòmasyon an pou redaksyon Kreyòl Enfo (KE) presize pè a t ap soufri ak tout sentom nouvo kowonaviris la depi kèk jou.

Pè David César se t ap  dirije lekòl mizik Sentrinite a depi 1996.  Li te toujou manm jiri nan Podyòm Katye, yon konkou chante ki fèt chak ane sou Televizyon Karayib. Pè episkopal David César se youn nan gwo mizisyen klasik ki te genyen nan peyi a. Li te Mayestwo tou nan òkès filamonik Sentrinite a.

»   Kowonaviris : plizyè prizonye kontamine nan penitansye nasyonal, daprè RNDDH

Otorite sanble pèdi kontwòl epidemi an nan peyi a. Difikilte pou fè tès, lopital yo ki debòde ak malad, oksijèn ki manke nan sant trètman kowonaviris yo se kèk pami pwoblèm ki ogmante laperèz kay sitwayen yo.

Kreyòl Enfo

ou ka enterese