Home Aktyalite 5 desanm : opozisyon an ap manifeste kont Jovenel Moise nan vil Gonayiv

5 desanm : opozisyon an ap manifeste kont Jovenel Moise nan vil Gonayiv

by Kreyòl Enfo

Kreyòl Enfo, 4 desanm 2019 .- Lidè Ayiti An Aksyon an, Senatè Youri Latortue konfime opozisyon demokratik la ap manifeste nan lari Gonayiv, jedi 5 desanm 2019 la, toujou nan lide pou fòse prezidan Jovenel Moise demisyone.

Palmantè a di gen demach ki gentan fèt bò kote responsab lapolis nan komisarya Gonayiv la pou sekirize tout sitwayèn ak sitwayen ki pral patisipe nan manifèsyasyon sa.

Youri Latortue anonse plizyè delegasyon ap soti Pòtoprens pou vin bay jarèt ak mobilizasyon kont pouvwa Tèt Kale a nan depatman Latibonit la. Senatè Nenel Cassy, Antonio Cheramy ak Evallière Beauplan se kèk pami pèsonalite k ap prezan nan manifèsyasyon 5 desanm nan.

Lidè Ayiti An Aksyon an envite tout popilasyon an desann nan lari a san krent pou vin eksprime fristrasyon yo kont Jovenel Moise. Senatè Youri Latortue mande tout moun ki gen zam pou kite li lakay yo.

Manifèsyasyon 5 desanm nan pral dewoule nan moman kote komisè gouvèman Gonayiv la, Mèt Serard Gasius, mete manda pou arete plis pase 20 militan politik nan opozisyon an.

Kreyòl Enfo

0 comment