41 ayisyen jwenn arèstasyon yo nan fwontyè Gwatemala

Kreyòl Enfo, 22 fevriye 2019 .- Ministè Enteryè Gwatemala anonse, madi 19 fevriye pase a, arèstasyon 41 migran ayisyen ak plizyè afriken ki t ap tante rantre Etazini san papye legal.

Pandan operasyon sa ki fèt nan fwontyè Gwatemala ak Ondiras polisye yo arete 41 ayisyen, 27 Kongolè, yon Kamewounè ak yon Angolè, daprè yon bilten espesyal otorite Gwatemala yo. Ministè enteryè presize 《migran ki arete yo benefisye tout atansyon nesesè epi yo transfere yo nan yon abri Enstititi gwatemaltèk pou migran》.

Depi kòmansman ane 2019 la plizyè santèn konpatriyòt k ap bouske lavi miyò gentan jwenn arèstasyon yo sou lanmè ak divès fwontyè peyi nan Karayib ak Sant Amerik la.

Kreyòl Enfo