2 jounen grèv kèk sendika chofè te lanse kont grangou ak lamizè a pa respekte

👤 Kreyòl Enfo

Kreyòl Enfo, 23 jen 2020.- Tout aktivite fonksyone nòmalman nan zòn metwopolitèn Pòtoprens la ak rès peyi a pandan 2 jounen grèv kèk sendika chofè ak lòt òganizasyon sosyal te lanse pou 22 ak 23 jen 2020 an. Sendikalis yo te anonse grèv sa nan lide pou denonse lavi chè ak lamizè k ap sakaje popilasyon an.

Kolaboratè Kreyòl Enfo (KE) ki t ap virewon nan lari a konstate aktivite tankou bank, magazen, market ak biwo Leta yo te fonksyone san pwoblèm. Transpò piblik, sektè kote sendika yo te lanse grèv la, te fonksyone nòmalman.

Kèk chofè poze pwoblèm sansibilizasyon ki lakoz grèv la pa rèspekte. Genyen ki di yo pat menm konnen si te gen grèv ki te anonse pandan 2 jou sa yo. Yo konseye sendika ki te lanse chita pale ak tout sektè avan yo lanse yon lòt grèv.

»   Meyak, yon lokalite nan depatman Nòdès, ap fè fas ak gwo pwoblèm dlo

Plizyè sitwayen rekonèt gen nesesite pou popilasyon an montre repiyans yo pou fason dirijan yo ap jere peyi a.

Youn nan menm sendika ki te anonse grèv la rekonèt te gen pwoblèm kominikasyon. Li pwomèt gen dispozisyon k ap pran pou yo pa fè menm erè a.

Kreyòl Enfo

ou ka enterese