Kreyòl Enfo, 25 novanm 2019.- De (2) sitwayen fransè, madanm ak mari, pèdi lavi yo anba bal, ayè dimanch la (24), nan Pòtoprens, daprè enfòmasyon anbasad peyi Lafrans konfime pou Kreyòl Enfo.
Rèsponsab anbasad yo ki pa bay twòp detay sou ki kote ak nan ki sikonstans fransè sa yo tonbe anba bal bandi yo sèlman presize viktim yo te apèn desann avyon.
Plizyè medya fransè pami yo AFP fè kwè sitwayen fransè yo ( mari 44 lane, madanm 41 lane) te rantre Ayiti nan lide pou vin adòpte yon timoun.
Krim sa yo komèt nan moman kote Ayiti ap fè fas ak gwo gwo mobilizasyon pou fòse prezidan Jovenel Moise kite pouvwa a.
Kreyòl Enfo