Home Aktyalite 2 avyon ki soti « Turks and Caicos » ateri ak 180 Ayisyen nan ayewopò Okap la

2 avyon ki soti « Turks and Caicos » ateri ak 180 Ayisyen nan ayewopò Okap la

by Kreyòl Enfo

Kreyòl Enfo, 5 avril 2020 .- 2 avyon ki soti nan zile « Turks and Caicos » ateri ak 180 Ayisyen nan ayewopò Okap la, daprè sa kolaboratè Kreyòl Enfo nan depatman Nò a konstate.

Yon reprezantan Ofis Nasyonal Migrasyon (ONM) ki te prezan nan ayewopò a presize otorite « Turks and Caicos » yo te gen te arete konpatriyòt sa yo sou lanmè 30 mas pase a. Li konfime se Leta ayisyen ki rapatriye yo nan 2 avyon espesyal.

Reprezantan ONM nan fè kwè otorite ayisyèn yo deja pran dispozisyon pou fè tout 180 moun sa yo pase 14 jou ankarantèn. Gen plizyè nan Konpatriyòt sa yo ki pat gen mask nan vizaj yo.

Ayiti pèmèt konpatriyòt sa yo retounen nan peyi yo nan moman nouvo kowonaviris la deja kontamine 5 moun sou zile « Turks and Caicos », youn nan yo mouri.

Kreyòl Enfo

0 comment