18 me : mobilizasyon pou fòse Jovenel Moise rèspekte atik 134.2 konstitisyon an

👤 Kreyòl Enfo

Plizyè lidè politik nan yon manifestasyon

Kreyòl Enfo, 17 me 2021- Divès gwoup nan opozisyon an anonse yon manifestasyon, madi 18 me 2021 an, nan lokazyon fèt drapo ak inivèsite a. Mouvman sa se pou kontinye egzije Jovenel Moise kite pouvwa a epi denonse referandòm ilegal ki pwograme pou 27 jen k ap vini la a.

Youn nan manm opozisyon an, Abel Loreston, ki pale ak redaksyon kreyòl Enfo (KE) pa mete dlo nan bouch li pou kritike Jovenel Moise li di ki vle tabli yon diktati nan peyi a. Dirijan politik la fè konnen manifestasyon sa pap fèt sèlman Pòtoprens. Abel Loreston presize sitwayen nan divès vil pwovens ak nan dyaspora deja mobilize pou pile beton an.

»   Prezidan Jovenel Moïse kondane lanmò jounalis Rospide Pétion

Sektè Demokratik Popilè a ki di li apiye mobilizasyon 18 me a raple manda Jovenel Moise fini depi 7 fevriye 2021 daprè atik 134.2 konstitisyon an. Youn nan manm sektè a, Timothé Rony, mande popilasyon an leve kanpe pou chavire pouvwa Tèt Kale a. Li mande tout lidè politik nan opozisyon an akonpaye popilasyon an sou beton an.

Kreyòl Enfo

ou ka enterese