Kreyòl Enfo, 12 novanm 2019.- Dram nan prizon sivil Gonayiv la kote 12 fanm ki te fèmen nan yon selil viktim anba kadejak pandan prizonye yo t ap tante sove 7 novanm pase a. Otorite lasante nan depatman Latibonit la ansanm ak Fondasyon Zanmi Lasante deja pran kontwòl viktim yo ki pou kounye a nan prizon sivil Senmak la.
Yon nan rèsponsab nan ministè kondisyon fanm ak dwa fanm fè konnen viktim yo benefisye yon trètman « prophylactique » kont sida ak gwosès. Sepandan, rèsponsab la regrèt viktim pa benefisye okenn sipò sikolojik. Yon sipò poutan ki fondamantal pou anpeche viktim yo rete twomatize ak tonbe nan depresyon.
Òganizasyon k ap defann dwa moun nan depatman Latibonit la leve vwa yo byen fò pou denonse zak sanginè sa epi mande otorite yo pran rèsponsabikite yo.
Kreyòl Enfo